नेपालगञ्ज – नेपालगञ्जमा मुस्लिम समुदायले मोहर्रम पर्वको शनिवार ९औं दिन विशेष श्रद्धा र सम्मानका साथ मनाउदै छन।
हजरत इमाम हुसैन र उनका अनुयायीहरूको बलिदान सम्झिँदै विभिन्न स्थानहरूमा ताजिया राखिदै छ।
शहरका विभिन्न क्षेत्रहरूमा शनिवार रात्रि ताजिया राखी फातिया नियाज़ गरी मोहर्रम पर्व को ९ औ दिन मनाउने चलन छ ।
शान्तिपूर्ण रूपमा मनाइएको यो पर्वमा सुरक्षाका लागि प्रहरी प्रशासनले विशेष सुरक्षा व्यवस्था मिलाएका छन ।
स्थानीय मुस्लिम समुदायका अगुवा मो.हारून ले मोहर्रमको ऐतिहासिक र धार्मिक महत्वका बारेमा जानकारी दिँदै समाजमा शान्ति, सद्भाव र एकताको सन्देश फैलाउने कार्य भइ रहेको बताए ।
मोहर्रमको १०औं दिन अर्थात ‘आशुरा’का लागि तयारीहरू पनि तीव्र गतिमा गरिएको मो.हारुनले बताए ।
